လူပုံလှလှလေးတွေ ရိုက်ဖို့ အသုံးချရမယ့် နည်းလမ်း တစ်ခု foreground

 လူပုံလှလှလေးတွေ ရိုက်ဖို့ အသုံးချရမယ့်

နည်းလမ်း တစ်ခုပါ။

foreground

Foreground ဆိုတာကို မပြောခင် အရင်ဆုံး ဓာတ်ပုံတစ်ပုံမှာ Foreground /midground/Horizinal line/background ဆိုပြီး ပါဝင်တာကို မှတ်ထားရပါမယ်။မျက်စိရှုပ်မသွားပါနဲ့။ အခုပြောပြမယ့်အကြောင်းက Foreground ပဲ ဖြစ်ပါတယ်။ကျန်တဲ့ အပိုင်းတွေကို နောက်ကျရင် အကျယ်တဝင့် ရေးပေးပါမယ်။ ပုံတစ်ပုံကိုကြည့်တဲ့အခါ အရှေ့ဆုံး မြင်ရတဲ့ အပိုင်းက Foreground ပါ ။ပြီးရင် middle groundဖြစ်တဲ့ Subject ကိုမြင်ရမှာပါ။ အဲ့ဒီမှာ

မိမိရဲ့ Subject ကို ပိုပြီး လှပသွားအောင် စွဲဆောင်မှုကောင်းအောင် foreground ကို အကျိုးရှိရှိ အသုံးချရပါမယ်။ တစ်ခါတလေ leading line တွေကို foreground ထားခြင်းဖြင့် line တွေက သင့်subject ဆီကို ဆွဲခေါ်ပေးသွားမှာပါ။ နောက်ထပ် ပန်းခင်းတွေကို foreground ထားခြင်းဖြင့် ပန်းတွေရဲ့ အလှ၊ ပန်းတွေရဲ့ အရောင်တွေက သင့်subject ရဲ့ အလှကို ပံ့ပိုးပေးနိုင်မှာ ဖြစ်ပါတယ်။ တစ်ခါတလေ မြက်ခင်းပြင်ကြီးတွေကို Foreground ထားရိုက်တာလည်း စွဲဆောင်မှုရှိနေပါတယ်။ အခု ထပ်ပြောပြမယ့် foreground နည်းလေးက ရိုက်ရတာ နည်းနည်း စိတ်ရှည်ရပေမယ့် ရလာတဲ့ပုံကလည်း မှင်သက်ဖွယ် အရသာကို ပေးနိုင်မှာပါ။ အဲ့ဒီနည်းက Foreground ကို အဝါး (blur) လုပ်ပြီး ရိုက်တာပါ။ မိမိဖုန်း (or) ကင်မရာ ရှေ့မှာ ကိုယ် အဝါး(blur) Foreground လုပ်မယ့် ပန်း ၊ စာရွက်အဖြူ (or)အရောင် ၊ ပန်းပင် အတန်းတွေကို ထားရှိစေပြီးတော့ Subject ကို foreground ရဲ့အနောက်မှာထားပြီး Subject ကို focus ဖြတ်ကာ ရိုက်ကူးရမှာပါ။ focus ဖြတ်တဲ့အခါ camera တွေအတွက် မခက်ခဲပေမယ့်

Mobile phoneသမားတွေအတွက်ကတော့ နည်းနည်း စိတ်ရှည်ရှည်နဲ့ focus ဖြတ်ပေးပါ။ Mobile သမားတွေအနေနဲ့ Portrait mode နဲ့ရိုက်ဖို့ အကြံပေးပါတယ်။ အောက်က ပုံတွေကို ကြည့်လိုက်ရင် ပိုပြီး ရှင်းလင်းသွားမှာပါ...... ဒီမှာ သတိထားရမယ့် အချက်ကလေးတစ်ခု ကျန်နေပါတယ် မိမိ Foreground ထားမယ့်အရာရဲ့ အရောင်တွေဟာ Subject ကို အားပျော့သွားစေမယ့် အရောင်တွေကိုတော့ ရှောင်ရမှာပါ

***ဝါသနာတူ အခုမှ စလေ့လာမယ့်သူတွေ အတွက်

ကျနော် သိသလောက် မျှဝေခြင်းပါ***

ကျနော်ဆရာကြီး မဟုတ်ပါ

သင်ဆရာ မြင်ဆရာများကို ကန်တော့လျှက်ပါ

Photo source google

Portrait ပုံ လှလှလေးတွေ ရိုက်ဖို့ နည်းလမ်း (၃)ခုကို ထပ်မံ ဖော်ပြပေးလိုက်ပါတယ်.

 Portrait ပုံ လှလှလေးတွေ ရိုက်ဖို့ နည်းလမ်း (၃)ခုကို ထပ်မံ ဖော်ပြပေးလိုက်ပါတယ်.

*အရှေ့မှာ Rule of thirds/Leading lines/Framing ဆိုတာတွေကို ဖော်ပြခဲ့ပေးပြီးပါပြီ... page မှာ ဝင်ရှာနိုင်ပါတယ်...

1- Texture တွေ ထည့်ရိုက်ပါ (ပုံ-၁)

Texture ဆိုတာ ကျနော်တို့မြင်ဖူးနေကျ

ဟောင်းနွမ်းပြီး စုတ်ပျက်နေတဲ့ နံရံက ကွာကျပြီး အကွက်တွေဖြစ်နေတဲ့ အင်္ဂတေ အပြားကြီးတွေတို့ ကျောက်တုံးကြီးတွေတို့ သောင်ပြင်က သဲကွက်ကြီးတွေတို့ ပတ်ကြားအက်နေတဲ့ မြေကြီးတွေတို့ သစ်ပင်က သစ်ခေါက် ကြမ်းကြမ်းကြီးတွေတို့ အစရွိတဲ့ အရာတွေကိုဆိုတာပါ...သင့်ရဲ့ ဓာတ္ပုံမွာ Texture တွေထည့်ရိုက်ခြင်းအားဖြင့် သင့်ရဲ့ ဓာတ္ပုံကလူကို ပိုပြီး စိတ်ဝင်စားမှု ရရှိလာစေမှာပါ...selfie ဆွဲတဲ့အခါမွာ အကွက်ကြီးကြီး နံရံတွေနားမှာ ရိုက်မယ်ဆိုရင် သင့်selfie ပုံက ပိုပြီး စွဲဆောင်မှု ရှိနေမှာပါ

2-Depth of Field (ပုံ-၂)

Depth of field ဆိုတာက လွယ်လွယ်ပြောရရင်

ရှေ့ကြည်နောက်ဝါးလေးကို ဆိုလိုတာပါခင်ဗျ..

အခုနောက်ပိုင်း Mobile Phone အားလုံးနီးပါးမှာ ပါတဲ့ (Portrait mode) ဆိုတဲ့ Function လေးနဲ့ အလွယ်တကူရိုက်ကူးနိုင်ပါတယ်..ကင်မရာတွေမှာတော့ aperture(F) ကျယ်ကျယ်ဖွင့်နိုင်တဲ့ Lens မျိုးတွေနဲ့ ရိုက်ရင် DOF(Depth of field)

ပိုမိုရရှိစေမှာပါ. ထိုသို့ ရိုက်ကူးခြင်းအားဖြင့်

မိမိရိုက်မယ့် လူ နဲ့ background ကို ကွဲထွက်စေပြီး လူနဲ့ Background ရှုပ်ထွေးမနေပဲ လူကိုသာ အာရုံစိုက်မိစေမှာပါ

3- ရှုထောင့်အမျိုးမျိုးကနေ ရိုက်ပါ (ပုံ 3)

ကျနော်တို့ဟာတစ်ခါတစ်လေ မေ့မေ့လျှော့လျှော့နဲ့ နေရာတစ်နေရာထဲကနေပဲ ပုံတစ်ပုံကို ထပ်တလဲလဲ ရိုက်ယူလေ့ရှိပါတယ်...ရှုထောင့်တစ်ခုထဲကနေ ရိုက်နေမယ့်အစား ဘယ်ဘက်ကနေတစ်ပုံ ညာဘက်ကနေတစ်ပုံ ရှေ့တည့်တည့်ကတစ်ပုံ အပေါ်ကတစ်ပုံ အောက်ကတစ်ပုံ သဖြင့် ရှုထောင့်အမျိုးမျိုးပြောင်းပြီး ရိုက်ကူးသင့်ပါတယ်...ရှုထောင့်အမျိုးမျိုးကနေ ရိုက်ထားတဲ့ ဓာတ်ပုံတွေက သင့်ကို ရသအမျိုးမျိုး ပေးစွမ်းနိုင်ပါတယ်.တစ်ခါတလေ မတူညီတဲ့ ရှု့ထောင့်ကပုံတွေက ပိုပြီး စွဲဆောင်မှု ရှိနေတတ်ပါတယ်

နောက်ထပ် နည်းလေးတွေကိုလည်း နောက်နေ့တွေမှာ

တင်ပေးသွားပါမယ်ဗျ..

ပုံလှလှလေးတွေ ရကြပါစေဗျာ...ကျနော် သိသမျှကို ပြန်လည်မျှဝေခြင်းဖြစ်တဲ့အတွက် အမှားပါရင်

ခွင့်လွှတ်ပေးပါ

 လူပုံလေးတွေ(သို့)မိမိပြလိုတဲ့ အရာကို စိတ်ဝင်စားအောင်ရိုက်ဖို့အတွက် "Leading lines Composition"

Leading lines ဆိုတာက မျဥ်းကြောင်းတွေကိုပြောတာပါ...ဒေါင်လိုက်မျဥ်း. ကန့်လန့်ဖြတ်မျဥ်း. အလျှားလိုက်မျဥ်း. ကောက်ကွေ့နေတဲ့မျဥ်းတွေ စတာတွေ အကျုံးဝင်ပါတယ်...(ဥပမာ ရထားလမ်း |တံတားရဲ့​ ဘောင်တွေ |​ဖြောင့်နေတဲ့ကားလမ်း ကွေ့ကောက်နေတဲ့ကားလမ်း etc)...ထိုနည်းတူ မျဥ်းတွေဟာ လူကို ဦးတည်နေတာပဲ ဖြစ်ဖြစ် .လူမှ ထွက်လာတဲ့မျဥ်းတွေဟာ Leading Lines ဖြစ်ပါတယ်... လိုင်းတွေမှာ စွမ်းအားတွေရှိပါတယ်...မိမိပြချင်တဲ့ အရာတွေကို လိုင်းတွေကနေတစ်ဆင့် Subject ဆီ ဆွဲခေါ်သွားပေးနိုင်စွမ်းရှိပါတယ်... မိမိပြလိုတဲ့အရာကို ​ပိုပြီး အာရုံစိုက်မိသွားစေဖို့အတွက် မျဥ်းတွေကို အကျိုးရှိရှိအသုံးချတတ်ဖို့လိုပါတယ်...ဥပမာ ရထားဘူတာရုံမှာ ရိုက်မယ်ဆိုရင် သံလမ်းနှစ်ခုကြားသော်၄င်း သံလမ်းတစ်ဖက်ပေါ်မှာ ထိုင်ပြီး ရိုက်ခြင်းဖြင့် ရထားသံလမ်း မျဥ်းတွေကတစ်ဆင့် မိမိရဲ့ Subject ဆီကို ဆွဲခေါ်သွားပေးမှာ ဖြစ်ပါတယ်

မိမိရဲ့ Subject ကို Leading lines +rule of thirds စတဲ့ Composition တွေနဲ့လည်း တွဲဖက်ပြီး ရိုက်ကူးနိုင်ပါတယ်...အောက်ပါ ပုံတွေမှာ လေ့လာကြည့်နိုင်ပါတယ်...

(photo source google )

လူပုံ (သို့)အရာဝတ္ထုတွေကို စွဲဆောင်မှုရှိအောင် "Framing" နည်းဖြင့်ရိုက်ကူးခြင်း

လူပုံ (သို့)အရာဝတ္ထုတွေကို စွဲဆောင်မှုရှိအောင်

"Framing" နည်းဖြင့်ရိုက်ကူးခြင်း

Framing ဆိုတာ " ဘောင်ခတ်ခြင််း"ကိုပြောတာပါ

ကိုယ်ရိုက်ချင်တဲ့ အရာဝတ္ထု (သို့) လူ စတာတွေကို ဘောင်ခတ်ပြီး ရိုက်တာပါ...framing ရိုက်ခြင်းအားဖြင့် မိမိပြသလိုတဲ့ subject ဟာ

ကြည့်ရှုသူရဲ့ မျက်လုံး အာရုံထဲကနေ တစ်ခြားဘက်ကို ရောက်မသွားစေပဲ Frame ကနေ စွဲဆောင်ကန့်သတ်ထားပေးပါတယ်..

.Frame ဆိုရာမှာ

အမျိုးမျိုးသော frame အမျိုးစားတွေရှိပါတယ်

-လူဖန်တီးထားတဲ့ ဖရိန်

-သဘာဝအတိုင်းဖြစ်ပေါ်နေတဲ့ ဖရိန်

လူဖန်တီးထားတဲ့ ဖရိန်-ဆိုတာက framing ရိုက်ဖို့ရည်ရွယ်ချက်နဲ့ စတုရန်း သစ်သားဘောင်လေးတွေ စက္ကုကို အတွင်းကနေ လေးထောင့် အပေါက်လေးညှပ်ထားတာမျိုး သစ်ရွက်လေးတွေကို အလယ်ကနေ အပေါက်ဖောက်ထားတာမျိုး အစရှိတဲ့ စိတ်ကူးမိသမျှ ပုံစံအမျိုးမျိုးနဲ့ ပြုလုပ်ထားတဲ့အရာတွေကိုပြောတာပါ....

သဘာဝအတိုင်း ဖြစ်ပေါ်နေတဲ့ ဖရိန်-ဆိုတာက

လမ်းမှာ မထင်မှတ်ပဲ တွေ့တဲ့ သံကြိုးကွင်းလေးထဲက မြင်ကွင်းတွေ သစ်ပင်ရဲ့ ကွေးကျနေတဲ့

သစ်ကိုင်းလေးထဲက မြင်ကွင်းတွေ အိမ်ပြတင်းပေါက်လေးတွေ အစရှိတဲ့ အမျိုးမျိုးသော ဖရိန်လေးတွေကို ခေါ်တာပါ....အဲ့ဒီလို framing ရိုက်ခြင်းအားဖြင့် မိမိပြလိုတဲ့ အရာကို ပိုပြီး အာရုံစိုက်မိစေမှာ ဖြစ်ပါတယ်...ကျနော်သိသလောက် ပြန်လည်မျှဝေခြင်းပါ...သိရှိလိုတာများကို Cb မှာ လာရောက်မေးမြန်းနိုင်ပါတယ်ခင်ဗျာ...အမှားပါရင် ခွင့်လွှတ်ပါ... သင်ဆရာ မြင်ဆရာအားလုံး ကန်တော့လျှက်ပါ

 

လူပုံ လှလှလေးတွေရိုက်ဖို့ အခြေခံ Composition Rule of thirds

လူပုံ လှလှလေးတွေရိုက်ဖို့ အခြေခံ Composition

Rule of thirds

------

ဓာတ်ပုံတစ်ပုံကို

ကြည့်လိုက်တဲ့အခါမှာ သာမန် ဖြစ်သလိုရိုက်ထားတဲ့ပုံနဲ့ Rule of thirds ကိုအသုံးပြုပြီးရိုက်ထားတဲ့ပုံနဲ့က ကြည့်ရတာခြင်း လုံးဝမတူပါဘူး

ကဲ Rule of thirds နဲ့ ဘယ်လိုရိုက်ရမလဲပြောပါမယ်...Rule of thirds နဲ့ ရိုက်ဖို့အတွက် မိမိရဲ့ ဖုန်း(သို့)ကင်မရာမှာ Grid line ဆိုတာကို ဖွင့်ပေးထားရပါမယ်... နောက်ပိုင်း လက်သားကျလာတဲ့အခါ ပိတ်ပြီးတောင်ရိုက်လို့ရပါတယ်...

မိမိ ဖုန်း(သို့)ကင်မရာမှာ Gird line (or) Framing Lines ကိုဖွင့်လိုက်တဲ့အခါ ပုံထဲကလို မျဥ်းကြောင်းတွေ ပေါ်လာပါတယ်။ အဲ့ဒီမျဥ်ကြောင်းတွေကို ဇယားကွက် အနေနဲ့ ရေတွက်ကြည့်ရင် အကွက်သုံးကွက် နဲ့ ဆုံမှတ် လေးခုရှိပါတယ်.၄င်းဆုံမှတ်လေးခုရဲ့ ဆုံမှတ် တစ်ခုခုမှာ မိမိပြလိုတဲ့ အရာ(လူ.ပစ္စည်း.သစ်ပင်...)ကို ထားပြီးရိုက်တာကိုဆိုလိုပါတယ်.အောက်ပါပုံမှာ ကြည့်ရင် သိနိုင်ပါတယ် .ပြလိုတဲ့အရာကို အလယ်တည့်တည့်မှာ ထားမယ့်အစား ဘယ်ဘက်( သို့) ညာဘက်ဆုံမှတ်တစ်ခုခုမှာ ထားပြီးရိုက်တာက မိမိပြလိုတဲ့ အရာကို ပိုပြီး စိတ်ဝင်စားမှုရစေမှာပါ...သတိထားရမှာက မိမိပြလိုတဲ့အရာက လူဖြစ်နေရင် မျက်နှာမူရာအရပ်ကို အကွက်လေး နှစ်ကွက် ချန်ထားရမှာပါ.

ကျနော်လေ့လာမိသလောက်ကို နားလည်သလိုပြန်မျှဝေခြင်းဖြစ်ပါတယ်ခင်မျာ.သိရှိလိုတာများကို masg ကနေ လာ​​ရောက်မေးမြန်းနိုင်ပါတယ်.တတ်သလောက် ရှင်းပြပေးပါမယ်. အမှားပါရင် ခွင့်လွှတ်ပေးပါ..သင်ဆရာ မြင်ဆရာအားလုံးကို ကန့်တော့လျှက်ပါ...

နောက်ပိုင်း တစ်ခြား Composition လေးတွေပါ မျှဝေပေးပါမယ်ခင်မျာ

 

Portrait ဓာတ်ပုံ ရိုက်တဲ့နေရာမှာ သတိထားရမယ့် အချက်တွေ

 Portrait ဓာတ်ပုံ ရိုက်တဲ့နေရာမှာ သတိထားရမယ့် အချက်တွေကို ကျနော်လေ့လာမိသလောက်

ပြန်လည် မျှဝေချင်ပါတယ်....

(1)Rule တွေ ကိုအမြဲတမ်း သတိရပါ

အခုမှ စရိုက်မယ့်သူတွေအနေနဲ့ အဖြစ်များတာက photo ရိုက်ဖို့ ကင်မရာ app ကို ဖွင့်လိုက်တာနဲ့ ရိုက်ဖို့ပဲ အားသန်နေပါတယ်။ ရိုက်ပြီးရင် ကိုယ့်ပုံကို မကျေမနပ်ဖြစ်နေတတ်ပါတယ်။ ဘာလို့ အဲ့ဒီလို ဖြစ်တာလဲမေးကြပါတယ်။အဖြေက အခြေခံ Composition နည်းလမ်းတွေကို မေ့ထားလို့ပါ။ ကျနော်တို့ဟာ ရိုက်ဖို့နဲ့ ပုံလှဖို့ပဲ စိတ်ဆန္ဒစောနေပြီး အရေးကြီးဆုံးဖြစ်တဲ့ Composition တွေကို အသုံးချဖို့ မေ့သွားတာပါ။ အခုမှ စရိုက်မယ့်သူတစ်ယောက်ဆိုရင် ပုံရိုက်ဖို့ စဥ်းစားတာနဲ့ Rule of thirds ကို အရင်ဆုံး လိုက်နာပြီး ရိုက်ဖို့ လိုအပ်ပါတယ်...ရိုက်သားကျလာတဲ့အခါမှ အခြား Composition တွေကိုလည်း အသုံးပြုနိုင်ပါတယ်...

(2) နောက်ထပ် သတိထားရမှာတစ်ခုက

အမှိုက်တွေပါ

ကိုယ်ရိုက်မယ့်ပုံရဲ့ မြင်ကွင်းထဲမှာ ပုံကို အလှပျက်စေတဲ့ အမှိုက်သရိုက်တွေ အရာဝတ္ထုတွေကို အမြဲတမ်း

သတိထားရပါမယ်။ တစ်ခါတလေ အပင်ပန်းခံပြီး ရိုက်လာပြီးမှ ပလက်စတစ်အိတ်လေး တစ်ခုကြောင့် ပုံအလှပျက်သွားရတာတွေလည်း ကြုံဖူးပါတယ်။ ဒါကြောင့် ကိုယ်ရိုက်မယ့် view ကို အရင်ဆုံး ကင်မရာချိန်ပြီး အမှိုက်သရိုက် ရှိမရှိကို စစ်ဆေးပြီးမှ ရိုက်တာ အကောင်းဆုံးပါ။ မိမိ Subject ကို ရှင်းရှင်းလင်းလင်း ရိုက်ပြပါ။ ပုံရိုက်မယ်ဆိုရင် ဒီအချက်ကိုလည်း မဖြစ် မနေ သတိထားရပါမယ်....ကြုံလို့ နောက်တစ်ခု ထပ်ပြောပါဦးမယ်...ကိုယ်ရိုက်လိုက်တဲ့ပုံလေးက

လှနေပြီ။ edit လုပ်လို့ သေချာကြည့်တဲ့အခါမှ

လမ်းဖြတ်သွားတဲ့ ခွေးက ပါနေတာ။ ဒါမျိုးတွေလည်း သတိထားရမယ်

(3) နောက်တစ်ချက်ကတော့ lighting

တော်တော်များများ ကြုံဖူးကြပါတယ်။ မျက်နှာတွေ မဲနေတဲ့ ပုံမျိုးတွေပါ။ ဓာတ်ပုံလေးက လှနေပေမယ့် မျက်နှာကြီးတွေ လက်မောင်းတွေ ခြေထောက်တွေက မဲနေတတ်ပါတယ်။ အရမ်းလည်း နှမြောဖို့ကောင်းပါတယ်။ အဲ့ဒါက အလင်းအမှောင်ကို သတိမထားလို့ပါ ။ တစ်ချို့ကလည်း မသိလို့ ဖြစ်ပါတယ်။ အလင်းအမှောင်အကြောင်းကို အနည်းငယ်ဖြစ်ဖြစ် သိထားတဲ့သူတွေက ဒါလေးကို သတိထားလိုက်ရင်အဆင်ပြေပါတယ်။ အခုမှ စလေ့လာတဲ့ သူတွေအတွက်ကတော့ အနည်းငယ်ပြောပြဖို့ လိုလာပါပြီ။ ပြောရင် အရမ်း များမဆိုးလို့ အလွယ်ဆုံးပြောပြပါမယ်။နောက်ထပ် သေချာရေးပေးပါမယ်။ ပထမဆုံးက မိမိရဲ့ Subject မျက်နှာ နေရာကို တစ်ချက်ထောက်လိုက်ရင် focus ဖြတ်ပြီး Exposure အတင်အချ လုပ်တဲ့ အတန်းလေးပေါ်လာပါတယ်။ မှောင်နေရင် အပေါ်ကို ပွတ်ဆွဲပီး တင်ပေးလိုက်ပါ...အရမ်းလင်းနေရင် ပွတ်ဆွဲပြီး အောက်ချပေးခြင်းဖြင့် မိမိလိုသလို အလင်း

အမှောင် ချိန်ပေးလို့ရပါတယ်။ နောက်တစ်ခုက

နေရဲ့ အလင်းရောင်ကို ကင်မရာနဲ့ မျက်နှာ မမူပါနဲ့။ ရိုက်ပေးမယ့်သူက နေကို ကျောပေးထားပြီး model က နေရဲ့ 45°အနေထားမှာ မျက်နာမူထားရပါမယ်။ နေ့လည်ဘက် နေအရမ်းပူနေတဲ့ အချိန်တွေမှာ နေပူထဲ ဓာတ်ပုံရိုက်တာကို ရှောင်သင့်ပါတယ်။

နေရောင် အရမ်းတောက်လို့ model လဲမျက်စိကြိမ်းပြီး မျက်မှောင်ကြုံ့တာတွေ ဖြစ်တတ်ပါတယ်.......ဒါတွေကိုလည်း သတိထားရပါမယ်

4- Background ကို သတိထားပါ

နောက်တစ်ခုကတော့ ရှုပ်ထွေးတဲ့ background တွေကို ရှောင်ကျဥ်ရပါမယ်။ ဥပမာ လူအရမ်းများတဲ့နေရာတွေမှာ ရိုက်တဲ့အခါ တစ်ခြားသူတွေပါဝင်နေတဲ့ Background က သင့်ဓာတ်ပုံကို

စွဲဆောင်မှု လျှော့နည်းသွားစေပါတယ်။ နောက်ထပ်

Background မှာ lines တွေရှိတဲ့အခါ အဲ့ဒီ lines တွေ

သတိထားပြီး မစောင်းသွားအောင် ရိုက်ရပါမယ်။ တစ်ချို့ပုံတွေမှာတော့ စောင်းသွားတာက လှနိုင်ပါတယ်။ ကိုယ့်ပုံအပေါ်မူတည်ပြီး တည့်သင့် တည့် စောင်းသင့်စောင်းပြီးရိုက်ပါ။

အရမ်းရှုပ်ထွေးနေတဲ့ background တွေကို လည်း သတိထားရပါမယ်

5-Color အရမ်း မသုံးပါနဲ့

တစ်ခါတလေ ကျနော်တို့ဟာ ကိုယ့်ရဲ့ ဓာတ်ပုံက်ို

အရောင်လေးစိုနေတာ လိုချင်တဲ့ အတွက် Saturation တွေ အရမ်းသုံးကြပါတယ်။ Hue တွေ Saturation တွေကို လိုတာထက် ပိုပြီး သုံးမိတဲ့အခါ သဘာဝနဲ့ ဆန့်ကျင်တဲ့အရောင်တွေ ရရှိလာပါတယ်။ လူရဲ့ အသားအရေဟာ အရမ်း ဝါနေတာမျိုး ၊ အရမ်း ညိုနေတာမျိုး၊စိမ်းရမယ့် သစ်ရွက်တွေက ဝါနေတာမျိုး၊ဝါရမယ့် သစ်ရွက်တွေက စိမ်းနေတာမျိုးတွေ ဖြစ်တာကို တွေ့ဖူးကြမှာပါ။ အဲ့ဒါဟာ ကာလာတွေကို လိုအပ်တာထက် ပိုပြီး သုံးမိလို့ပါ။ creation ပုံစံတွေမှာ ပြသနာမရှိပေမယ့် အလှပုံတွေပြင်တဲ့အခါမှာတော့ ကြည့်ရဆိုးနေတတ်ပါတယ်။ ဓာတ်ပုံတွေကို Snapseed နဲ့ Lightroom လို app မျိုးတွေမှာ စနစ်တကျ ပြင်လို့ရပါတယ်။ အသုံးပြုနည်းတွေလည်း အများအပြား ရှာဖွေနိုင်ပါတယ်။

6-logo စာလုံးကြီးတွေ မတပ်သင့်

ဒီအကြောင်းနဲ့ ပတ်သတ်လို့ကတော့ အများကြီး ပြောစရာ မရှိပါဘူး။ ဓာတ်ပုံကိုကြည့်တဲ့အခါမှာ မျက်စိရှုပ်စေတယ့် စာတန်းတွေ Watermark တွေ Logo တွေကို ခပ်သေးသေးပဲ တပ်ဖို့ အကြံပေးချင်တာပါ ။ ဓာတ်ပုံရဲ့တစ်ဝက်လောက်က စာလုံးတွေနဲ့ပြည့်နေတာမျိုးတွေ ရှိလို့ပါ။ ကျနော်တို့ဟာ ဓာတ်ပုံကို ပြချင်တာလား စာလုံးကို ပြချင်တာလား ပြန်မေးဖို့လိုပါတယ်....

အခုမှ စလေ့လာမယ့်သူတွေအတွက် ကျနော်သိသလောက်မျှဝေခြင်းပါခင်ဗျ။ သင်ဆရာ မြင်ဆရာ အားလုံးကို ကန်တော့လျှက်ပါခင်ဗျာ

ဖုန်းကင်မရာ manual mode(pro mode /Expert mode) ထဲက setting တွေအကြောင်းနဲ့ အလုပ်လုပ်ပုံကို အသေးစိပ် ရှင်းပြချက်

 ဖုန်းကင်မရာ manual mode(pro mode /Expert mode) ထဲက setting တွေအကြောင်းနဲ့ အလုပ်လုပ်ပုံကို အသေးစိပ် ရှင်းပြချက်

-ပထမဆုံးတွေ့ရမှာက "WB "

WB ဆိုတာ White balance ကိုပြောတာပါ

အလင်းတန်ဖိုးကို ချိန်ညှိပေးရတဲ့ setting ပါ။

အလင်းတန်ဖိုးကို Kelvin (K) နဲ့ သတ်မှတ်ပါတယ်။ အလင်းတန်ဖိုး အမျိုးမျိုးရှိပါတယ်

နေ့ဘက်အလင်းရောင်မှာ 6500Kရှိပါတယ်။ ရာသီဥတု ကြည်လင်တဲ့ မနက်နဲ့ ညနေဘက်မှာ 3000K နဲ့ နေ့ဘက်တွေမှာဆို 5500K ရှိပါတယ်။ အများအားဖြင့်တော့ Auto White balance ကိုပဲ အသုံးများကြပါတယ်...တစ်ချို့ဖုန်းတွေမှာတော့ manual ချိန်လို့ရပါတယ်။

အသေးစိပ် Kelvin တန်ဖိုးတွေ လေ့လာချင်ရင် အောက်မှာ ပုံထည့်ပေးထားပါတယ်....

-နောက်တစ်ခုက" F "

ဖုန်းတွေမှာတော့ F ဆိုတဲ့ သင်္ကေတလေးက "Focus tools" ကိုခေါ်တာပါ ။ Focus ဆိုတာကို အလွယ်ဆုံး ရှင်းပြရရင် လူ့ရဲ့ မျက်လုံးရှေ့ တစ်ပေ အကွာလောက်မှာ လက်ကိုထောင်ပြီးကြည့်လိုက်ပါ ။ လက်က ကြည်နေပြီး Background ကဝါးနေမယ်။ပြီးတာနဲ့ လက်ကိုမကြည့်ပဲ background ကိုကြည့်လိုက်ပါ လက်ကဝါးသွားပြီး Backgroundက ကြည်နေမယ်။ ဒီသဘောပါပဲ။ကိုယ်အာရုံစိုက်တဲ့ ကိုယ်ကြည့်ချင်တဲ့ အကွာဝေးက အရာဝတ္ထုကိုမြင်ရပြီး အခြားနေရာတွေကို Blur (အဝါး)လုပ်ပစ်တဲ့စနစ်ပါ။ focus ကို Auto Focus နဲ့ Manual focusဆိုပြီး သုံးလို့ရပါတယ်။ Auto focus ကတော့ ဖုန်းရဲ့စနစ်က သူ့အတိုင်းသူ focus ကို ဖြတ်ပေးမှာဖြစ်ပါတယ်။ Manual Focus ကတော့ ကိုယ်ပြချင်တဲ့ အရာကို ကိုယ်တိုင် စိတ်တိုင်းကျ ချိန်ညှိပေးရတာပါ.....

-နောက်တစ်ခုက" S "

တစ်ချို့ ဖုန်းတွေမှာ "S "လို့ပါတယ်။ တစ်ချို့ဖုန်းတွေမှာတော့ "exposure times" ဆိုပြီး ရေးထားတတ်ပါတယ်။ ဘယ်လိုပဲရေးရေး နှစ်ခုလုံးက "Shutter speed" ဆိုတာကို သိထားပါ။ Shutterspeed ဆိုတာ အလင်းတံခါး အဖွင့်အပိတ်နှုန်းကို ခေါ်တာပါ။အလင်းတံခါး အဖွင့်ပိတ်လုပ်တယ်ဆိုတာ မျက်တောင်ခတ်သလိုပါပဲ။ shutterspeed ရဲ့သဘောတရားကို အလွယ်ဆုံး ရှင်းပြရရင် ရေခံသလိုပေါ့။ ရေဘဲက ကျတဲ့ရေကို ခနလေးခံရင် ရေနည်းနည်းပဲ ရမယ် ကြာကြာခံရင် ရေများများရမယ်။ ဒီလိုပါပဲ shutter speedကို ကြာကြာထားမယ်ဆိုရင် အလင်းတံခါး ကြာကြာပွင့်တဲ့အတွက် အလင်းပိုပြီး ရရှိမှာပါ။ခနလေးပဲ ဖွင့်ပြီး ပြန်ပိတ်ရင်တော့ အလင်းရတာ နည်းနေမှာပဲဖစ်ပါတယ်။Mobile ဖုန်းတွေမှာ Shutterspeed (32 )စက္ကန့်ထိ အကြာဆုံး ပါတတ်ပါတယ်။ တစ်ချို့ဖုန်းတွေမှာလည်း အဲ့ဒါထက် နည်းပြီးပါလာတတ်ပါတယ်။ တစ်ချို့ဖုန်းတွေမှာတော့ Manual mode ကို ပါမလာ တတ်ပါဘူး။ shutter Speed မှာ 1/1000, 1/500 ,1/250 ,1/125 ,1/60,1/30,1/15,1/8,1/4,1/2 ,1 ,2 ,4 ,8 ,16 ,32 ဆိုပြီးတွေရမှာပါ။ 1/1000 ဆိုတာ 1 secရဲ့ အပုံ တစ်ထောင်ပုံ တစ်ပုံကိုပြောတာပါ 1/500 ဆိုတာ တစ်စက္ကန့်ရဲ့ အပုံငါးရာပုံ တစ်ပုံကို ပြောတာပါ။ အရမ်းကို မြန်တဲ့ နှုန်းတွေပါ ဒါကြောင့် shutter တံခါးဟာလည်း အမြန်ဖွင့်ပီး ပြန်ပိတ်တဲ့အတွက် အလင်းဝင်ရောက်နှုန်းကလဲ အရမ်းနည်းပါတယ် ။ဒါကို fast shutter speed လို့ခေါ်ပါတယ်။ နေ့ဘက် ရိုက်တဲ့အခါ နဲ့ လှုပ်ရှားမှု အရမ်းမြန်တဲ့ ပုံတွေကို ဖမ်းယူတဲ့အခါမှာ fast shutter ကိုသုံးပါတယ်။ 1 sec ကစပြီး 32 စက္ကန့်ဟာ(slow Shutter) shutter တံခါး ကြာကြာဖွင့်တာဖြစ်တဲ့အတွက် အလင်းဝင်ရောက်တာ များပါတယ်။ဒါကြောင့် 1sec မှ 32sec ကို အလင်းအားနည်းတဲ့အချိန်၊ ညဘက် ကားမီးတန်း longexposure ရိုက်တာတို့၊ ကြယ်ဖမ်းတာတို့ လို ရိုက်တဲ့အခါမှာ သုံးရမှာပါ ။ ဒါပေမယ့် အလင်းတံခါးကြာကြာဖွင့်ထားတဲ့အတွက် လက်က လှုပ်နေမယ်ဆိုရင် ပုံရိပ်တွေလည်း လှုပ်ပြီး ဝါးသွားတဲ့အတွက် ဖုန်းကို ငြိမ်စေမယ့် Tripod ကိုသုံးသင့်ပါတယ်...

-နောက်တစ်ခုက ISO

ISO ဆိုတာ ကျနော်တို့ Image sensor ရဲ့ အလင်းအာရုံခံနိုင်စွမ်းကို တိုင်းတာတာပါ။

ဖုန်းတွေမှာတော့

*ISO 100 /200/400/800/1600/3200ဆိုပြီး ပါပါတယ်။ ISO ဂဏန်းတန်ဖိုး နည်းလေ sensor ရဲ့ အလင်းအာရုံခံနိုင်စွမ်းနည်းလေဖြစ်ပြီး Noise လို့ခေါ်တဲ့ အမှုန်အမွှားလေးတွေ နည်းလေ ဖြစ်ပါတယ်။ ISO ဂဏန်းတန်ဖိုး များလေ

အလင်းအာရုံခံနိုင်စွမ်းများလေ ဖြစ်တဲ့အတွက်

Noise တွေ များလာမှာပဲ ဖြစ်ပါတယ်။ ISO 100 မှာရိုက်တဲ့ပုံနဲ့ 3200မှာ ရိုက်တဲ့ပုံကို ယှဥ်ကြည့်ရင် ISO 100 ပုံက ကျစ်ကျစ်လစ်လစ်နဲ့ noiseကင်းတာတွေ့ရပြီး ISO 3200ပုံမှာတော့ အမှုံအမွှား {noise} တွေ မြင်ရမှာပဲ ဖြစ်ပါတယ်။ ISO ဘယ်လောက်ထားရိုက်မလဲဆိုတာ ပုံသေသတ်မှတ်လို့မရပါဘူး...ကိုယ်ရိုက်မယ့် အခြေနေနဲ့ အချိန်အခါအပေါ်မူတည်ပြီး လိုသလို သုံးရမှာ ဖြစ်မှာတယ်။ ရာသီဥတု ကြည်လင်ပြီး အလင်းရောင်ကောင်းတဲ့အခြေနေမှာတော့ ယေဘုယျအား​ဖြင့် iso 100 က အကောင်းဆုံးပါ.....

-EV

EV ဆိုတာ exposure value ကိုပြောတာပါ

ကင်မရာနဲ့ ပတ်သတ်တဲ့ အဓိက setting သုံးခုရှိပါတယ် Aperture /Shutter speed/ISO ဖြစ်ပါတယ်။ ဒီသုံးခုကိုပေါင်းစပ် အသုံးပြုပြီး Exposure Value ဆိုတာကို ရတာပါ။ Aperture +Shutter Speed + ISO= Exposure value ဖြစ်ပါတယ်။ဒီသဘောတရားကို Exposure Triangle လို့ခေါ်ပါတယ်။

ဖုန်းမှာတော့ Ev ကို ကစားလိုက်မယ်ဆိုရင် Shutter speed နဲ့ iso ဟာ auto ချိန်ပြီးသားဖြစ်ပါလိမ့်မယ်။ Shutter speed နဲ့ iso ကစားလိုက်ရင် EV ကို ချိန်စရာမလိုပါဘူး။

-ကင်မရာ(2/3/4 )လုံးဖုန်းတွေမှာမြင်ရတဲ့

" Lens"

ဒါကတော့ ထွေထွေ ထူးထူး မဟုတ်ပါဘူး

ကျနော်တို့ဖုန်းတွေရဲ့ ကျောဘက်မှာပါတဲ့ ကင်မရာတွေထဲကမှ ဘယ်ကင်မရာကို သုံးပြီးရိုက်မှာလဲဆိုတာကို ရွေးရတာပါ။ Wide ကိုထားရင် Main Wide ကင်မရာက အလုပ်လုပ်နေမယ်။Ultra Wide ကိုထားရင် wide ကင်မရာက အလုပ်လုပ်နေမယ်။ Micro မှာထားရင် micro ကင်မရာက အလုပ်လုပ်မယ်။ ဒါကိုပြောတာပါ....

Phone Manual modeမှာပါတဲ့ Setting တွေရဲ့အကြောင်းတွေ၊ အလုပ်လုပ်ပုံတွေကို သိပြီးရင်

အဓိက setting နှစ်ခုက Shutter speed နဲ့ ISO

ပါ။ဖုန်းတော်တော် များများမှာ ကိုယ်တိုင်ချိန်ညှိလို့ရတဲ့ Aperture မပါတဲ့အတွက် ထည့်မပြောတော့ပါဘူး။

ဒီနှစ်ခုကို မျှမျှတတ အသုံးချတတ်မှသာ ကိုယ်လိုချင်တဲ့ အနေထားကို ရရှိမှာပဲ ဖြစ်ပါတယ်။ shutter speedကို ကြာကြာထားရင် အလင်းများများရမှာ ဖြစ်တဲ့အတွက် ISO ကို တင်ထားလို့မရပါဘူး သင်တင့်မယ့် ISO ဂဏန်းကို လျှော့ချပေးရမှာပါ။ ထိုနည်းတူ ISO အမြင့်မှာထားရင် shutter speed ကို တင်ထားလို့မရပါဘူး သင့်တင့်မယ့် Shutter Speed ကိုလျှော့ချထားရမှာဖြစ်ပါတယ်။ ဒါက အလွယ်တကူပြောပြတာဖြစ်ပါတယ်....အသေးစိပ်သဘောတရားကိုသိချင်ရင် Exposure Triangle ကိုလေ့လာရပါမယ်......

ချစ်ခြင်းများစွာဖြင့်

BHT Portrait Photography

+7